هيمنة حزب الله وفرضها سيطرة على أراء المواطنين الجنوبيين، رسالة واضحة من رجل جنوبي الى ابن اخته

بعد الحرب الأخيرة ظهرت أراء كثيرة معارضة للحروب بينهم من قال ان الحرب يجب ان تنتهي منذ تحرير الجنوب فكما يظهر في الفيديو

رسالة من مواطن جنوبي الى ابنة اخته:

خالو هي العملية واضحة انتي جيتي عالناقورة و شفتي بعينك نحنا بسنة الالفين انتصرنا و طلعنا العدو من بلدنا و الله يرحم الشهداء و يعطيهم العافية للمقاومين خلصت.

هني ثلاث نقاط بدي قلك هني هيدي الافكار شربوها لطفل صغير “اذا ولد بدو ينتقد حرام ينتقد الحزب دخلو الله بكل المواضيع هلق يمكن متار انا زلمة بحترم بخاف الله و بحترم المقاومين و كل نقطة دم نزلت بس خلصنا بدنازنقضي عمرنا هيك خسرنا أولادنا وشبابنا و لوين؟؟؟ بدنا نبني وطن” هلق بدهم يقولو سلام يزبك جبان او بيخاف لا ابدا!!!”

زي ما الله عطاكي هالحياة بدك تحافظي عليها زي ما الامام علي قال “عش لدنياك كأنك تعيش ابدا وزاعمل لاخرتك كأنك اتكوت غدا”

اذا صل الحال هيك انا بدي بيع ادبيلي الي يلي حطيت حنى عمري فيه و فل من هالبلد كلها و يناضلو انا قلبي اخترق على اولاد اخواتي.

مش انو البس العباية و حط العلم الاصفر على كتافي انو هيك كون عم امشي معهم لا، ايران جابتلنا كل الهم و البلاء و هالفكر، اذا ٢٤ دولة عربية ما بدهم يحاربوا اذا ٢ مليار مسلم ما بدهم يحاربوا لشو نحنا شو خصنا بهالموال كلو؟؟

إيران دولة كبيرة عندها بترول عم يجيها مليارات و نحنا منتمنى النصر للأيرانيين ما منكرهم و منكره إسرائيل علناً بس الايد يلي ما فيك علبها بوسها و ادعي عليها بالكسر بدنا نخلص كبرنا بالعمر و اولادنا ماتو من الهم ضحينا كتير ووخسرنا اولادنا ما بدنا بقى شي يتركونا بحالنا لنعيش.

رئيس الجمهورية حكي كلام منطقي، كل واحد بيحكي بالسلام بيقولو عنو خاين، لا مانو خاين ولا هني عم خونهم، الدني صارت كلها عبايات سودا ما كانو هيك ايام جدي وستي بس كان بدها تتحجب يحطو اشارب ملون، ما بدنا هالعتمة.

ارضنا حلوة وارضنا طيبة بدنا نعيش نعيش بحق الله ما بدنا نفتري على حدا ما بدنا نصالح هالكلاب هني بحالهم و نحنا بحالنا، بدنا نخلص وانا مش راجع كيف بدو يعيشو اولادنا.

الله ياخد بيد رئيس الجمهورية وويلي دمرو الاف الشباب انا ماني خاين انا وطني بس في دنيا بدنا نعيشها او نروح نندفن.

في النهاية هذا كلام يمثل فئة كبيرة لا يسمح لهم بالظهور اعلاميا، لا يريدون حربا ولا سلام و سفارات يريدون عيش ما تبقى من عمرهم بعبدا عن الحروب و الدمار.

نقلا عن صفحة بيروت سيتي